ANDALIGAr GREINAR

BIÐ ÁÐRENN FREISTINGINA


"... biðið, fyri at tit skulu ikki falla í freisting!" Matt. 26,41

Tú kanst sýna besta 'pokerandlitið' fram í royndini at sannføra onnur um, at tað gongst betur, enn tað ger, men innast inni kennir tú sjálvur tey økini, har tú oftast verður freistaður og snávar. Onnur kunnu geva tær toppkarakterir, men frá tær sjálvum fært tú dumpikarakter. Og sum tað hendir aftur og aftur, fert tú at hugsa: "Hvat er meiningin í at biðja Gud um fyrigeving? Eg endurtaki bara somu syndirnar umaftur og umaftur og skal aftur at biðja hann um fyrigeving."

Ein loysn finst. Jesus segði við lærisveinarnar: "Vakið og biðið, fyri at tit skulu ikki falla í freisting!" (Matt. 26,41) Við øðrum orðum: Bið, áðrenn freistingin kemur, og so verður tú styrktur og útgjørdur til at megna tað.

"Men eg havi biðið!" svarar tú kanska. So vaks um skamtin og bið meir!

Áðrenn Jesus stillaði stormin á vatninum, var hann alla náttina í bøn. Sløkk sjónvarpið, telduna, snildfonina og annað samband úteftir og brúka tíð saman við Gudi.

Hvat merkti tað, tá ið 'tey gomlu' tosaðu um at "biðja ígjøgnum"? Bara hetta: Tú kanst koma hagartil í bøn, at tú 'veitst', at Gud hevur givið tær ta styrki, tú hevur fyri neyðini, og at sigurin er vunnin. Paulus sigur: "Latið okkum tí við dirvi stíga fram fyri hásæti náðinnar, so vit kunnu fáa miskunn og finna náði til hjálp á rættari tíð!" (Hebr. 4,16)

Hvørjum hevur tú tørv á, tá ið tú heldur á at snáva? Guds náðiríku fyrigeving – og hansara hjálp at sigra á freistingini.

So bið, áðrenn freistingin kemur, og Gud fer at gera teg til ein sigrara.

"et Ord til Dagen" 1. februar 2020
(Erla Berghamar týddi)

Títt guddómliga trygdarherlið

Á sama hátt, sum forsetin og forsætisráðharrin eru umgirdir av trygdarvørðum, eru Guds frelstu børn umgird av einglum...

Les meira

Tak ábyrgd – og vága

Í 1975 segði ein av lægru verkfrøðingunum hjá Hewlett-Packard, Steve Wozniak, sum eingin hevði hoyrt um, vinmanninum Steve Jobs frá síni hugsjón...

Les meira

Sig "Gud signi teg"

Guds orð er á tremur við lívi, vísdómi, sannleika, kraft og møguleikum at mennast.

Les meira

Lat Gud siga tær, hvør tú ert!

Navnið Jabez merkir "pína og strev"

Les meira

Vend við aftur til Gud!

"Men meðan hann enn var langt burtur, sá faðirin hann, og honum tykti hjartaliga synd í honum; hann fór rennandi og leyp um hálsin á honum og kysti hann."

Les meira

STYRKIVENJING

Hevur tú nakrantíð eygleitt fólk, sum fingust við styrkivenjing? Tey verða alsamt sterkari fyri hvønn dag, alt meðan tey stríðast við alsamt tyngri vektir.

Les meira

Fata tín Himmalska Faðir

Tey átrúnaðarligu á Jesu døgum dugdu illa at fata Gud sum Faðir. Harra, kong, dómara skiltu tey – ikki Faðir.

Les meira

Tilbið – og vinn andaligar bardagar

Lovsangur er eitt vápn so kraftmikið, at tað kann venda bardagan til tín fyrimun.

Les meira

"... sál hinna hugagóðu verður mett...

Charlie Jones sigur søguna um ein mann, sum droymdi, at hann hevði arvað 1 millión dollarar.

Les meira

Ger bøn til ein dagligan vana!

Bøn virkar ímóti strongd. Jesus byrjaði dagin við bøn.

Les meira

Í menniskjum góður tokki

Hesa tíðina, tá ið stundar til jóla, hoyra vit á hvørjum ári hesi signaðu og nógv sigandi orðini: Dýrd veri Gudi á hæddini, friður á jørðini, í menniskjum góður tokki!

Les meira

Jarðbundnar væntanir (2)

"... Hann visti sjálvur, hvat í menniskjuni var" Jóh. 2,25. - Tú skalt læra at hava jarðbundnar væntanir á trimum økjum...

Les meira