ANDALIGAr GREINAR

"... sál hinna hugagóðu verður mett." Orðt. 13,4

'Framúrskarandi' Charlie Jones sigur søguna um ein mann, sum droymdi, at hann hevði arvað 1 millión dollarar. Í dreyminum royndi hann at fara undir brúsu, men brúsarin virkaði ikki. Hann royndi at raka sær, men rakimaskinan riggaði ikki. Hann royndi at gera morgunmat, men kaffið rann ikki ígjøgnum, og breyðristarin vildi ikki rista. Hann fór út eftir dagblaðnum, men postkassin var tómur. Hann fór frá húsum og skuldi við bussinum til arbeiðis, men bussurin kom ikki. Tá ið hann hevði bíðað ein heilan tíma, spurdi hann fólk, sum komu framvið: "Hvat hendir her?" Tey svaraðu: "Hevur tú ikki frætt tað? Øll hava arvað 1 millión, og eingin arbeiðir longur." Brádliga vaknaði maðurin – og hann segði: "Gud havi lov!"

So tók hann sær eitt framúrskarandi brúsubað, fekk sær eina framúrskarandi barbering, drakk ein framúrskarandi kaffimunn og neyt eina framúrskarandi breyðflís, meðan hann las sítt framúrskarandi dagblað. At enda fór hann við tí framúrskarandi bussinum og koyrdi inn til sítt framúrskarandi arbeiði.

Takka í dag Gudi fyri tað arbeiðið, hann hevur givið tær, og ger títt allarbesta. Starv títt og lønarseðilin høvdu uttan iva verið ein órøkkandi dreymur hjá summum av tínum forfedrum. Tú sært kanska ikki júst arbeiðið hjá tær sum "eina tænastu", men um starvið gevur tær tey framíhjárættindi at loysa trupulleikar hjá øðrum og letur teg gera mun her í lívinum, so ver taksamur. Ímynda tær, hvussu lív títt hevði verið uttan tað!

"Hin lati tráar - og fær einki, men sál hinna hugagóðu verður mett." (Orðt. 13,4)

.. et Ord til Dagen 16. oktober 2019, eb týddi
(Erla Berghamar týddi)

Liv eftir sannføringum tínum (2)

Dániel varð noyddur til at gera av, um hann vildi vera ein, sum lagar seg, ....

Les meira

Liv eftir sannføringum tínum (1)

Bíblian sigur, at " Dániel setti sær fyri, at hann skuldi ikki gera seg óreinan við mati kongsins ella við víninum, ið hann drakk ..."

Les meira

Kærleiki – við ongum treytum

Í USA síggjast av og á bilar við teksti á kúfangaranum, sum sigur, at barnið hjá eigaranum er 'heiðursstudentur' á ávísum skúla.

Les meira

Bið áðrenn freistingina

"... biðið, fyri at tit skulu ikki falla í freisting!" Matt. 26,41

Les meira

Fyrigeving er vissað tær

"Játta vit syndir okkara, er Hann trúfastur og rættvísur, so Hann fyrigevur okkum syndirnar og reinsar okkum frá allari órættvísi.

Les meira

Tá ið tú tilbiður, kennir Gud seg heima

Har sum tú býrt, har er heim títt ella bústaður tín. Tá ið tú prísar Gudi, sigur tú: "Kenn teg heima her, Harri."

Les meira

Bjóða hugsanarháttinum av

Tá ið tú kannar tíni mistøk, sært tú, at tað var hugsanarhátturin ta løtuna, sum var orsøkin, og tað er tí, tú ert noyddur til at halda á at bjóða tínum egnu hugsanum av.

Les meira

Statt fast á Guds orði

Um ein, tú elskar, sorar hjartað og svíkur álit títt, verður tú viðkvæmur.

Les meira

Brúka lovprísanarkraftina

Tað ber til at lovprísa Gudi alt ov lítið, men tú kanst ongantíð prísa honum ov nógv.

Les meira

Tornur Paulusar í holdið – og tín (3)

Paulus skrivar: "At hann skuldi víkja frá mær, bað eg Harran um tríggjar ferðir.

Les meira

Tornur Paulusar í holdið – og tín (2)

"... fyri at eg skal ikki gera meg stóran ..." 2. Kor 12,7

Les meira

Tornur Paulusar í holdið – og tín (1)

Tey bíbliukønu eru ikki samd um, hvat "tornurin" hjá Paulusi var.

Les meira