ANDALIGAr GREINAR

Sig: "Gud signi teg"

"Soleiðis skulu teir leggja navn Mítt á Ísraelsmenn, og Eg skal signa teir." 4. Mós. 6,27

Guds orð er á tremur við lívi, vísdómi, sannleika, kraft og møguleikum at mennast. Tá ið hann skapti heimin, segði hann heilt einfalt: Verði ... Hvørt orð, hann talar, hevur vald at skapa tað, hann sigur. Í hvørjum lyfti, hann gevur, liggur fræið av síni egnu uppfylling. Fræini hava eina fasta "árstíð", tá ið tey bera ávøkst í lívi tínum, og tá ið tey verða vatnað við álitsfullari bøn í trúgv, og tú stendur fast á Orði hansara, meðan tú bíðar eftir røttu tíð hansara – tá kann Orð hansara ikki svíkja.

Tá ið tú skilur henda sannleika, fáa orðini "Gud signi teg" kraft! Tá ið vit siga tey, verður Guds signing loyst út yvir lív okkara. Tá ið tú sigur: "Gud signi teg," tá bakkar Gud teg upp: "teir leggja navn Mítt á Ísraelsmenn, og Eg skal signa teir." So um tú vilt signa tíni kæru, tala so hesi signingarorð við tey: "Harrin signi teg og varðveiti teg! Harrin lati andlit Sítt lýsa yvir teg og veri tær náðigur! Harrin lyfti ásjón Sína yvir teg og gevi tær frið!" (vers 24–26).

At spyrja onkran, "Hvussu hevur tú tað?" er fólkaligt og sýnir umsorgan. Og tá ið sagt verður: "Góðan dag" ella "Hav ein góðan dag," munnu fólk meina tað. Men tá ið tú sigur "Gud signi teg" og skilur bíbilska týdningin av hesum orðum, kann Guds signing broyta lívið hjá hesum fólkinum!

Kate Nowak rithøvundur sigur: "Tað átti at verið ein vani, hetta við at signa onnur ... Eg havi sæð og sannroynt, at tað er ein av sterku og praktisku mátunum at binda seg hvør til annan, til heim okkara og til sjálvt lívið ... mest týðandi háttur at leiða okkum til eydnu og at eydnast. Ein signing er ein søt útfrían frá pínu ... ein gamal lykil til eitt væl eydnað og nøktandi lív."

Úr "... et Ord til Dagen" 14. november 2019
(Erla Berghamar týddi)

Bjóða hugsanarháttinum av

Tá ið tú kannar tíni mistøk, sært tú, at tað var hugsanarhátturin ta løtuna, sum var orsøkin, og tað er tí, tú ert noyddur til at halda á at bjóða tínum egnu hugsanum av.

Les meira

Statt fast á Guds orði

Um ein, tú elskar, sorar hjartað og svíkur álit títt, verður tú viðkvæmur.

Les meira

Brúka lovprísanarkraftina

Tað ber til at lovprísa Gudi alt ov lítið, men tú kanst ongantíð prísa honum ov nógv.

Les meira

Tornur Paulusar í holdið – og tín (3)

Paulus skrivar: "At hann skuldi víkja frá mær, bað eg Harran um tríggjar ferðir.

Les meira

Tornur Paulusar í holdið – og tín (2)

Bíblian sigur okkum ikki, hvat tornur Paulusar í holdið var, men Paulus sigur okkum, hví Gud loyvdi tí...

Les meira

Tornur Paulusar í holdið – og tín (1)

Tey bíbliukønu eru ikki samd um, hvat "tornurin" hjá Paulusi var.

Les meira

Um at menna tol

Er tað ikki áhugavert, at sum vit eldast, hava vit lyndi til at gerast tolnari – hóast vit hava minni tíð eftir? Hví man tað vera?

Les meira

Bíða eftir Guds tíðarætlan

Gud hevur eina ætlan fyri tínum lívi, sum krevur, at okkurt skal henda eina ávísa tíð.

Les meira

Títt guddómliga trygdarherlið

Á sama hátt, sum forsetin og forsætisráðharrin eru umgirdir av trygdarvørðum, eru Guds frelstu børn umgird av einglum...

Les meira

Tak ábyrgd – og vága

Í 1975 segði ein av lægru verkfrøðingunum hjá Hewlett-Packard, Steve Wozniak, sum eingin hevði hoyrt um, vinmanninum Steve Jobs frá síni hugsjón...

Les meira

Sig: "Gud signi teg"

Guds orð er á tremur við lívi, vísdómi, sannleika, kraft og møguleikum at mennast.

Les meira

Lat Gud siga tær, hvør tú ert!

Navnið Jabez merkir "pína og strev". Kanst tú ímynda tær at koma inn onkustaðni og hoyra fólk siga: "Har kemur hin strævni"...

Les meira