ANDALIGAr GREINAR

Vend við aftur til Gud!

"... meðan hann enn var langt burtur ..." Luk. 15,20

Bíblian sigur um fortapta sonin: "... Men meðan hann enn var langt burtur, sá faðirin hann, og honum tykti hjartaliga synd í honum; hann fór rennandi og leyp um hálsin á honum og kysti hann."

Sannleikin er, at tú ert ikki so langt burtur, at Guds náði ikki røkkur tær. So framtíð tín kann væl gerast betri enn fortíðin! "Men meðan hann enn var langt burtur", rann faðirin ímóti honum. Hví? Tí at hansara kærleiki til sonin bygdi ikki á gerðir og rætta atferð, men á ta sannroynd, at hann hevði givið honum lívið og fingið hann inn í familjuna. Tá ið tú hugsar um tað, faðirin gav honum tann dagin, fert tú at skilja týdningin af hvørjum einstøkum luti.

1. Veitsluklæðini.
Tey vístu samleika hansara sum sonur. Gud sær teg ikki í tínum veikleika; hann sær teg klæddan í Kristi rættferð. (Les 2. Kor. 5,18-19)
2. Ringurin.
Tað var ein innsiglisringur við innsiglinum hjá familjuni, sum aftur gav honum rætt at taka avgerðir vegna faðirin.
3. Skógvarnir.
Tænararnir í húsinum gingu ikki í skóm – tað gjørdi bara húsfólkið. Hann fór heimaftur og hugsaði, at tað frægasta, hann nú fór at sleppa, var at vera ein av tænarunum hjá faðirinum. Men faðirin gav honum ikki bara samleika og ábyrgd aftur, hann gav honum aftur fullan rætt sum sonur í húsinum.
4. Veitslan.
Tá var tað soleiðis, at tá ið sonur gjørdi uppreistur móti myndugleikanum hjá faðirinum og fór heimanífrá, hildu tey eitt 'skemdarhátíðarhald', sum merkti, at hann ongantíð kundi koma aftur. Men ikki hesin faðirin – hann helt veitslu fyri honum.

Kjarnin í frásøgnini? Jesus tók okkara skomm! "Hann, sum kendi ikki synd, gjørdi Hann til synd fyri okkum, fyri at vit í Honum skulu verða rættvísi Guds." (2. Kor. 5,21) Orðið til tín í dag er: Kom aftur til Guds!

Úr "... et Ord til Dagen" 12. november 2019
(Erla Berghamar týddi)

Hevur tú biðið um tað?

Gud hevur ikki gjørt bøn trupla ella fløkjaliga, men púra einfalda.

Les meira

Guds svar til stúran

”Gud gav okkum ikki anda mótloysis, men anda kraftar ...” 2. Tim 1,7 - At vinna á óttanum ...

Les meira

Týdningur krossins (2)

Kristus skuldi verið týðandi partur av tínum gerandisdegi. Hví? ....

Les meira

Týdningur krossins (1)

Tú fert ongantíð at skilja boðskap krossins ella at fáa vinningin av tí frelsu, sum fæst av krossinum, uttan at tú fyrst boyggir knøini við krossin..

Les meira

Tak heitið "ómøguligt" burtur

Tá ið tú lýsir okkurt sum "ómøguligt", henda hesi trý tingini....

Les meira

Lat Gud vera Gud í ár

Hvussu syrgir Gud fyri okkum? Ein dag í senn. Minnist tú ísraelsfólk í oyðimørkini?

Les meira

Liv eftir sannføringum tínum (2)

Dániel varð noyddur til at gera av, um hann vildi vera ein, sum lagar seg, ....

Les meira

Liv eftir sannføringum tínum (1)

Bíblian sigur, at " Dániel setti sær fyri, at hann skuldi ikki gera seg óreinan við mati kongsins ella við víninum, ið hann drakk ..."

Les meira

Kærleiki – við ongum treytum

Í USA síggjast av og á bilar við teksti á kúfangaranum, sum sigur, at barnið hjá eigaranum er "heiðursstudentur" á ávísum skúla.

Les meira

Bið áðrenn freistingina

Tú kanst sýna besta "pokerandlitið" fram í royndini at sannføra onnur um, at tað gongst betur, enn tað ger, men innast inni kennir tú sjálvur tey økini, har tú oftast verður freistaður..

Les meira

Fyrigeving er vissað tær

"Játta vit syndir okkara, er Hann trúfastur og rættvísur, so Hann fyrigevur okkum syndirnar og reinsar okkum frá allari órættvísi.

Les meira

Tá ið tú tilbiður, kennir Gud seg heima

Har sum tú býrt, har er heim títt ella bústaður tín. Tá ið tú prísar Gudi, sigur tú: "Kenn teg heima her, Harri."

Les meira